सत्यजीत रे, जसको बुझाइ र काम बेजोड रहृयो

सन् १९७६ मा आफ्नो करियर सुरु गरिरहेका जावेद सिद्दिकीको फोनको घण्टी बज्यो । दोस्रोतर्फ चर्चित पटकथा लेखक समा जैदी थिइन् । उनले जावेदलाई सत्यजीतले तपाईंसँग भेट्न मन गरेका छन् भनिन् । त्यतिबेला सत्यजीतको नाम सिनेमा जगतमा उचाइमा पुगिसकेको थियो ।

जावेदले अनुमान गर्न सकेका थिएनन् कि सत्यजीत वास्तविक जीवनमा पनि त्यति उचाइका छन् जति विश्व सिनेमा जगतमा उनको योगदान छ । उनले आफ्नो ६ फिट ४ इन्च उचाइ जत्तिकै सिनेमा क्षेत्रमा आफ्नो पहिचान बनाएका थिए ।

सत्यजीतलाई मन पराउनेहरू उनलाई ‘मानिकदा’ भनेर बोलाउँथे । रेले जावेदलाई कुर्सीमा बसाउँदै भने, ‘तपाईंले राम्रा कथाहरू लेख्नुहुन्छ सुनेको छु ।’

जावेदले विनम्र स्वरमा भने, ‘म कथाभन्दा बढी स्तम्भ लेख्छु, मलाई थाहा छैन कि म राम्रा कथा लेख्न सक्छु कि सक्दिनँ ।’