भाईरल सचिन परीयारको पहिलो गीत ‘ओठ खोलेर‘ यूटुबको ट्रेन्डिङमा

काठमान्डौ– ९ बर्षका भाईरल बालक सचिन परीयारको पहिलो गीत ‘ओठ खोलेर‘को म्युजिक भिडियो सार्वजनिक भएको एकैदिनमा ट्रेन्डिङको यात्रा सुरु गरेको छ। सार्वजनिक भएको एकै दिनमा १० लाख भन्दा बढीले हेरिसकेका छन। समाचार तयार पर्दासम्म गीतले ८५ हजार लाइक पाएको छ भने २ हजार डिसलाइक पाएको छ ।

गीतमा करिब ५ हजारले कमेन्ट गरिसकेका छन। गीतमा रबिनलाई बाल गायिका रबिना बसेलले साथ दिएकी छन भने बाबु आमाको भूमिकामा अर्जुन कुँवर र अस्मिता बुढाथोकीले साथ दिएका छन।

गीतमा गणेश अधिकारीको शब्द अनी महेन्द्र भण्डारीको संगीत रहेको छ । स्‍मृति तिमील्सिना “गुरुआमा” को निर्देशनमा तयार भएको भिडियोमा सुरेश श्रेष्ठको छायांकन, शिव पौडेलको सम्पादन रहेको छ ।

गीतको भिडियोमा सचिन पारीयार, रबिना बसेलको साथमा कारीश्मा ढकाल, सव्बीइन छेत्री, अर्जुन कुँवर, एलिना रायमाझी लगायत कलाकारको अभिनय रहेको छ। गीतलाई लेक साइड टी भि नामक यूटुब च्यानल बाट शनिबार सार्वजनिक गरिएको हो।