ओलीको जवाफमा प्रचण्डले पूरक प्रस्ताव तयार गर्दै

उक्त प्रस्तावमा ओलीले उठाएका विषयबारे प्रचण्डले पनि लिखित रुपमा नै जवाफ दिन अर्को पूरक प्रतिवेदनको तयारी गरेका हुन् । प्रचण्ड निकट एक नेता भन्छन्, ‘अध्यक्षले आफ्नो जवाफ लिखित रुपमै दिनुहुन्छ, लिखित आरोपको जवाफ मौखिक दिएर त रेकर्ड हुन्न । अर्को कमिटी (स्थायी कमिटी र केन्द्रीय कमिटी) मा छलफलमा लैजान पनि पूरक पत्रको जरुरी हुन्छ ।’

त्यसका लागि प्रचण्डले हिजो (सोमबार) दिनभर ओलीको ३८ पृष्ठको प्रस्तावको अध्ययन गरेका थिए । मंगलबार विहानको समय पनि उनले त्यसमै लगाएका ती नेताले बताए ।

मंसिर १८ गते पार्टीको स्थायी कमिटीको बैठक बोलाएकाले त्यहीँ पेश हुनसक्ने नेताहरुले बताएका छन् । तर ओली पक्षले भने दुबै अध्यक्षको प्रस्तावलाई स्थायी कमिटीमा लैजान नहुने तर्क गर्दै आएको छ ।