मेलम्ची खानेपानीः १५० किलोमिटर क्षेत्रमा पाइप बिछ्याउने काम सम्पन्न, अझै साढे ६०० किलोमिटर बाँकी

काठमाडौँ, माघ २४-

काठमाडौंमा मेलम्ची खानेपानीको पानी वितरण गर्न नयाँ पाइप बिछ्याउने परियोजनाअन्तरगत निर्माणाधीन ८ सय किलोमिटर क्षेत्रको काममा करिब १५० किलोमिटर क्षेत्रको काम समपन्न भएको छ ।

काठमाडौं उपत्यका खानेपानी लिमिटेड (केयूकेएल)को आयोजना कार्यान्वयन निर्देशनालय एवम प्रवक्ता उज्वल प्रजापतीका अनुसार महानगरपालिका र सडक विभागसँग अनुमति लिएर सडक खन्ने काम सुरु गरिएको हो । जस्मा अझै करिब साढे ६ सय किलोमिटर चक्रपथभित्रका क्षेत्र सडकमा पाइप बिछ्याउन बाँकी छ ।

सन्दरीजलदेखि चाबहिलसम्म नयाँ थोक वितरण लाइन बिछ्याउन पनि ठेक्का लिगिएको छ । तर पाइप बिछ्याउँदा विगतकै जस्तै सडकमा धुलो र हिलोको समस्या बढेको उनको भनाई छ ।

त्यस्तै हाल काठमाडौँको कलंकी, धुम्बाराही, कालीमाटी, महाराजगञ्ज, नयाँबजार, सामाखुसीलगायत क्षेत्रमा ठेक्का लिएर पाइप बिछ्याउन काम भएको छ ।

पीआईडीले ७७ हालसमम किलोमिटरको थोक वितरणलाइन र १ हजार किलोमिटर वितरणलाइन र १० वटा पानी ट्यांकी बनाएको छ ।

त्यस्तै सडक विभागका महानिर्देशक शिवहरि सापकोटाका अनुसार सडक विभागले तुरुन्तै सडक मर्मत नगर्ने र पुरानै शैलीमा सडक खनेर अलपत्र छाड्ने भइरहेकाले यथास्थितिमा अनुमति दिन नसकिने बताउँछन् ।