बोलोग्नाको पोष्टमा ६ गोल गर्दै इन्टर शीर्ष स्थानमा
काठमाडौं । साविक विजेता इन्टर मिलानले इटालियन सिरि ए मा बोलोग्नालाई ६-१ ले पराजित गरेको छ । जितपछि इन्टर शीर्ष स्थानमा समेत उक्लेको छ ।
शनिबार राति भएको खेलमा एडेन जेकोको दुई गोल मद्दतमा इन्टरले बोलोग्नामाथि शानदार जित हात पारेको हो ।
इन्टरका लागि जेकोले ६३औं र ६८औं मिनेटमा गोल गरेका थिए । त्यसअघि लाउटारो मार्टिनेजले छैटौं, मिलान स्क्रिनरले ३०औं, निकोलस बरेलाले ३४औं र माटियास भेसिनोले ५४औं मिनेटमा गोल गरेका थिए ।
बोलोग्नाका लागि ८६औं मिनेटमा आर्थर थियटेले सान्त्वना गोल फर्काए ।
जितपछि इन्टर चार खेलबाट १० अंक जोड्दै शीर्ष स्थानमा उक्लेको छ ।
[ तपाईसंग वा तपाईको वरिपरी पनि कुनै प्रतिभा, रचना र विकृति विसंगतीका घटना छन् भने हामीलाई pahiloprahar2020@gmail.com मा इमेल गर्नुहोस अथवा 9805408955 मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौं । धन्यबाद ।। ]
नेपाली गीतहरु
