लुकाकुको १००औं खेलमा ६७औं गोल
काठमाडौं । रोमेलु लुकाकले आइतबार राति बेल्जियमका लागि एक सयौं खेल खेल्दै गोल गरेका छन् ।
विश्वकप छनोटअन्तर्गत बेल्जियमले चेक रिपब्लिकलाई ३-० ले पराजित गर्दा एक गोल गरे । उनले बेल्जियमका लागि एक सयौं खेल खेल्दा ६७औं गोल गरेका हुन् ।
चेल्सीका २८ वर्षीय स्ट्राईकरले हान्स भानाकेनको पासमा सुरुआती गोल गर्दै अग्रता दिलाएका थिए ।
त्यसपछि हडेन हाजार्ड र एलेक्स सालेमेकर्सले गोल थपेपछि बेल्जियमले सहज जित हात पारेको हो ।
लुकाकु बेल्जियमका लागि एक सयौं खेल खेल्ने छैटौं खेलाडी हुन् । जान भर्टोङगनले बेल्जियमका १३२ खेल खेलेमा छन् ।
लुकाकुपछि बेल्जियमका लागि धेरै गोल गर्नेमा हाजार्ड छन् उनले ३३ गोल गरेका छन् ।
चेकविरुद्ध पहेलो कार्ड पाएका लुकाकुले बेलारुसविरुद्ध खेल गुमाउने छन् ।
जितपछि बेल्जियम समूह ई मा पाँच खेलबाट १३ अंकसहित शीर्ष स्थानमा छ । चेक ७ अंकसहित दोस्रो स्थानमा छ ।
[ तपाईसंग वा तपाईको वरिपरी पनि कुनै प्रतिभा, रचना र विकृति विसंगतीका घटना छन् भने हामीलाई pahiloprahar2020@gmail.com मा इमेल गर्नुहोस अथवा 9805408955 मा सिधा सम्पर्क गर्नुहोस् हामी तपाईलाई उच्च प्राथमिकता दिनेछौं । धन्यबाद ।। ]
नेपाली गीतहरु
